නවසීලන්ත හිටපු තුන් ඉරියව් ක්රීඩක ක්රිස් කෙයාන්ස් මේ වන විට ක්රමයෙන් සුවය ලබමින් සිටින බව ඔහුගේ නීතිඥවරයා වන Aaron Lloyd පවසනවා.
ඒ අනුව ඔහුව මේ වන විට ජීවිතාධාරක යන්ත්රයෙන් ද ඉවත් කර ඇති බවයි Aaron Lloyd නිවේදනයක් නිකුත් කරමින් සදහන් කළේ.
හෘද රෝගී තත්ත්වයක් හේතුවෙන් ක්රිස් කෙයාන්ස් මෙම මාසය මුලදී ඔස්ට්රේලියාවේ කැන්බරා හි රෝහලකදී ශල්යකර්මයකට ලක් කෙරුණු අතර, පසුව දැඩි සත්කාරක ඒකකයේ ප්රතිකාර ලබා ගත්තා.
කෙසේ වෙතත්, පසුව ඔහුට තවත් ශල්යකර්මයක් සිදු කරනු ලැබුවේ සිඩ්නි නුවර රෝහලකදීයි.
51 හැවිරිදි කෙයාන්ස් 1989 වසරේ සිට 2006 වසර දක්වා වසර 17ක කාලයක් ජාත්යන්තර පිටියේ රැදී සිටි අතර, එහිදී ටෙස්ට් තරග 62ක්, එක්දින තරග 215ක් හා 20යි 20 තරග 2ක් වෙනුවෙන් ඔහු නවසීලන්තය නියෝජනය කළා.
