අලුබදුන ටෙස්ට් ක්රිකට් තරගාවලියේ දෙවන තරගයේ සිව්වන දිනය අද(19) නිමා වුණේ තරගයේ ජයග්රහනය පිළිබද වැඩි බලාපොරොත්තු ඔස්ට්රේලියාව වෙත හිමි කර දෙමින්.
දිනය නිමා වන විට සිය දෙවන ඉනිමේ දී තරගය ජය ගැනීම සදහා ලකුණු 468ක ඉලක්කයක් හඹා යමින් සිටි එංගලන්තය කඩුලු 4ක් දැවී ලබා සිටි ලකුණු සංඛ්යාව 82ක්.
රෝරි බර්න්ස් ලකුණු 34ක් රැස් කළ අතර, ඩාවිඩ් මලාන් ලකුණු 20යි. ජෝ රූට් ලකුණු 24කට දැවී ගියේ දිනයේ අවසන් පන්දුවාරයේ දී යි.
පන්දු යැවීමේ දී ජයි රිචර්ඩ්සන් කඩුලු 2ක් බිද හෙලූ අතර, මයිකල් නෙසර් හා මිචෙල් ස්ටක් එක් කඩුල්ල බැගින් දවා ගත්තා.
තරගය අද දිනට ආරම්භ කරන විට සිය දෙවන ඉනිම ක්රීඩා කරමින් සිටි ඔස්ට්රේලියාව, අද දිනයේ දී ඉනිම අත්හිටුවීමට තීරණය කළේ කඩුලු 9ක් දැවී ලකුණු 230ක් ලබා සිටියදී යි.
මර්නස් ලබුෂේන් හා ට්රැවිස් හෙඩ් ලකුණු 51 බැගින් ලබා ගත්තා.
පන්දු යැවීමේ දී ඔලී රොබින්සන්, ජෝ රූට් හා ඩාවිඩ් මලාන් කඩුලු 2 බැගින් බිද හෙලුවා.
තරගයේ පළමුව පන්දුවට පහරදුන් ඔස්ට්රේලියාව කඩුලු 9ක් දැවී ලකුණු 473ක් ලබා සිටියදී ඉනිම අත්හිටු වූ අතර, පිළිතුරු ලෙස එංගලන්තය රැස් කළේ ලකුණු 236ක් පමණයි.
ඒ අනුව තරගය ජය ගැනීම සදහා එංගලන්තය තවත් ලකුණු 386 ක් ලබා ගත යුතු අතර, ඔස්ට්රේලියාව තවත් කඩුලු 6ක් දවා ගත යුතුයි.
Struck before play with no protector, the Aussies had 'a lot of sympathy' for Joe Root after a second brutal blow to the 🍒 #Ashes | @alintaenergy pic.twitter.com/LOosZ8iRST
— cricket.com.au (@cricketcomau) December 19, 2021
