ශ්රී ලංකාව වෙනුවෙන් ඉදිරියේ දී තවදුරටත් තරග රැසක් ජයග්රහනය කරවීමට අපේක්ෂාවෙන් පසුවන බව ශ්රී ලංකා මුල්පෙල පිතිකරු චරිත් අසලංක පවසනවා.
මෙවර 20යි 20 ලෝක කුසලාන ක්රිකට් තරගාවලිය යටතේ හෙට(28) ඔස්ට්රේලියාව සමග පැවැත්වෙන තරගය සම්බන්ධයෙන් දැනුවත් කිරීම සදහා අද(27) පැවැති මාධ්ය හමුවකදී අදහස් දක්වමින් ඔහු ඒ බව සදහන් කළා.
කණ්ඩායමේ සිටින අත්දැකීම් සහිත ක්රීඩකයින්ගෙන් තමන් ඇතුළු යොවුන් ක්රීඩකයින් බොහෝ කරුණු පිළිබද ඉගෙන ගන්නා බව ද චරිත් මෙහිදී කියා සිටියා.
මේ අතර, ඔස්ට්රේලියාව සමග පැවැත්වෙන තරගය සදහා ද වෙනම සැලසුමක් සකස් කර ඇති බවයි චරිත් අසලංක පෙන්වා දුන්නේ.
- ALSO READ : තීක්ෂණ ඔස්ට්රේලියා තරගයට සූදානම් : මිකී ආතර්
ඔස්ට්රේලියානු කණ්ඩායම් ශක්තිය වේග පන්දු යවන්නන් බවත්, ඔවුන්ට මුහුණ දීම සදහා පසුගිය දින කිහිපයේ දී හොදින් පුහුණුවීම් සිදු කළ බවත්, ඔහු වැඩිදුරටත් අවධාරණය කර සිටියා.
මෙවර තරගාවලියේ 22 වන තරගය ලෙසින් ශ්රී ලංකාව හා ඔස්ට්රේලියාව අතර තරගය හෙට මෙරට වේලාවෙන් රාත්රී 7.30ට ඩුබායි ක්රීඩාංගනයේ දී ආරම්භ වීමට නියමිතයි.
දර්ශන පහතින් –
Charith Asalanka
Courtesy : ICC pic.twitter.com/7r958KZqPF
— CricNow.lk (@cricnowlk) October 27, 2021
