ඔස්ට්රේලියානු කණ්ඩායමේ එළඹෙන ශ්රී ලංකා තරග සංචාරයේ තරග කාලසටහන ශ්රී ලංකා ක්රිකට් ආයතනය විසින් අද(25) නිවේදනය කළා.
ජූනි හා ජූලි මාසවලදී සිදු කරන මෙම තරග සංචාරයේ දී ඔස්ට්රේලියානු කණ්ඩායම ශ්රී ලංකාවට එරෙහිව 20යි 20 තරග 3ක්, එක්දින තරග 5ක් හා ටෙස්ට් තරග දෙකක් ක්රීඩා කිරීමට නියමිතයි.
ඔස්ට්රේලියානු කණ්ඩායම ශ්රී ලංකාවේ තරග සංචාරයක නිරත වන්නේ වසර 6කට පසුව වීම විශේෂත්වයක්.
තරග සංචාරයට අයත් සීමිත පන්දුවාර තරගාවලි කොළඹ ආර්. ප්රේමදාස ක්රීඩාංගනයේ දී හා මහනුවර පල්ලේකැලේ ක්රීඩාංගනයේ දී පැවැත්වීමට නියමිතයි.
ලෝක ටෙස්ට් ශූරතාවලියට අයත් ටෙස්ට් තරගාවලිය පැවැත්වෙන්නේ ගාල්ල ක්රීඩාංගනයේ දී යි.
20යි 20 තරගාවලිය ජූනි 7 වැනිදා ද, එක්දින තරගාවලිය ජූනි 14 වැනිදා ද, ටෙස්ට් තරගාවලිය ජූනි 29 වැනිදා ද ආරම්භ වීමට නියමිතයි.
