ඉන්දියාව සමග පැවැති තෙවැනි හා අවසන් එක්දින ක්රිකට් තරගයෙන් ලැබූ දරුණු පරාජය සම්බන්ධයෙන් වාර්තාවක් ලබා දෙන ලෙස ශ්රී ලංකා ක්රිකට් ආයතනය විසින් කණ්ඩායම් කළමනාකරු වෙත නියම කර තිබෙනවා.
එම වාර්තාව නායකයාගේ, ප්රධාන පුහුණුකරුගේ, තේරීම් කමිටුවේ හා කළමනාකරුගේ අදහස්වලින් සමන්විත විය යුතු බවයි ක්රිකට් ආයතනය නිවේදනය කළේ.
දින පහක කාලයක් තුළ මෙම වාර්තාව ලබා දෙන ලෙස ද ක්රිකට් ආයතනය කණ්ඩායම් කළමනාකරු වෙත නියම කර තිබෙනවා.
අවසන් එක්දින තරගයේ දී කණ්ඩායම දැක් වූ දුර්වල ක්රීඩාවිලාශයට පසුබිම සමාලෝචනය කිරීමට හා අවබෝධ කර ගැනීමට මෙම වාර්තාව තුළින් හැකි වන බව ක්රිකට් ආයතනය සදහන් කළා.
පසුගිය 15 වැනිදා තිරුවානන්තපුරම් හී දී පැවැති අවසන් එක්දින තරගයෙන් ශ්රී ලංකාව ලකුණු 317 ක දරුණු පරාජයක් ලැබූ අතර, එය ඉතිහාසගත වුණේ ජාත්යන්තර එක්දින තරගයකදී කණ්ඩායමක් ලකුණු පරතරය අතින් ලැබූ දරුණුතම පරාජය ලෙසයි.
