සංචාරක බටහිර ඉන්දීය කොදෙව් කණ්ඩායම සහ එංගලන්ත කණ්ඩායම අතර සවුත්හැම්ටන්හී දී පැවැත්වෙන පළමු ටෙස්ට් ක්රිකට් තරගයේ දෙවන දිනය අද(9) නිමා වුණා.
දිනය නිමා වන විට සිය පළමු ඉනිම ක්රීඩා කරමින් සිටි කොදෙව්වන් කඩුල්ලක් දැවී ලකුණු 57ක් ලබා සිටියා.
ජෝන් කැම්ප්බෙල් ලකුණ 28ක් රැස් කළා.
අද දිනය ආරම්භ කරන විට එංගලන්ත කණ්ඩායම එක් කඩුල්ලක් දැවී ලකුණු 35ක් ලබා සිටියා.
කෙසේ වෙතත් එංගලන්ත ඉනිම ලකුණු 204කට සීමා කිරීමට ජේසන් හෝල්ඩර් සහ ෂැනොන් ගැබ්රියල් සමත් වුණා.
නායක බෙන් ස්ටොක්ස් ලකුණු 43යි.
පන්දු යැවීමේ දී ජේසන් හෝල්ඩර් කඩුලු 6ක් සහ ෂැනොන් ගැබ්රියල් කඩුලු 4ක් බිද හෙලුවා.
ඒ අනුව කොදෙව්වන් මේ වන විට සිය පළමු ඉනිමේ දී පිටුපසින් සිටින ලකුණු සංඛ්යාව 147ක්.
කොරෝනා වසංගතය හේතුවෙන් ජාත්යන්තර ක්රිකට් තරග අත්හිටුවා දින 117කට පසුවයි ඊයේ(8) දිනයේ දී මෙලෙස ජාත්යන්තර ක්රිකට් තරගයක් ආරම්භ කෙරුණේ.
