ඉන්දීය සහ රෝයල් චැලෙන්ජර් බැංගලෝර් කණ්ඩායමේ දග පන්දු යවන ක්රීඩක යුස්වේන්ද්ර චහෙල් යනු විනෝදජනක ලෙස කණ්ඩායම තුළ හැසිරෙන ක්රීඩකයෙක් බව බොහෝ දෙනෙකු දන්නා කරුණක්.
තරග අතරතුර දී ක්රීඩාංගනයේ දී පමණක් නොව ක්රීඩාගාරයේ දී, ක්රීඩාංගනයෙන් පිටත දී ද ඔහු එලෙස විනෝදජනක ලෙස හැසිරෙන අවස්ථා නිරතුරුවම අප දැක තිබෙනවා.
ඊයේ(10) රෝයල් චැලෙන්ජර්ස් බැංගලෝර් කණ්ඩායම සහ චෙන්නායි සුපර් කිංග්ස් කණ්ඩායම අතර පැවැති තරගයෙන් අනතුරුව ද යුස්වේන්ද්ර චහෙල් එලෙස හැසිරෙනු දක්නට ලැබුණා.
විශේෂයෙන් පුහුණුකරු සයිමන් කැටිච් තරගය සම්බන්ධයෙන් අදහස් පල කරමින් සිටි අවස්ථාවක ඔහු මෙලෙස පුහුණුකරු පිටුපස සිට විනෝදජනක ලෙස හැසිරෙමින් සිටියා.
කෙසේ වෙතත්, විශේෂත්වය වූයේ එම සිද්ධියෙන් අනතුරුව යුස්වේන්ද්ර චහෙල් අදාළ තරගය පිළිබද අදහස් දක්වමින් සිටියදී ඉසුරු උදාන විසින් ද එවැනිම ආකාරයේ විනෝදජනක ක්රියාවක් ඔහුට සිදු කිරීමටයි.
ඊට අදාළ දර්ශන පහතින් නරඹන්න – (Video Source : RCB)
