සංචාරක ඉන්දීය කණ්ඩායම හා එංගලන්ත කණ්ඩායම අතර ලන්ඩන් නුවර “ද ඕවල්” ක්රීඩාංගනයේ පැවැත්වෙන සිව්වැනි ටෙස්ට් ක්රිකට් තරගයේ දෙවැනි දිනය නිමා වන විට සිය දෙවැනි ඉනිම ක්රීඩා කරමින් සිටි ඉන්දියාව කිසිදු කඩුල්ලක් නොදැවී ලකුණු 43ක් රැස් කර සිටියා.
ඒ, දෙවැනි දිනය (3 වනදා) ආරම්භ කරන විට සිය පළමු ඉනිම ක්රීඩා කරමින් සිටි එංගලන්තය සියලු දෙනා දැවී ලබා ගත් ලකුණු 290ට පිළිතුරු ලෙසින්.
ඉන්දීය දෙවැනි ඉනිම වෙනුවෙන් රෝහිට් ෂර්මා නොදැවී ලකුණු 20ක් හා කේ.එල් රාහුල් නොදැවී ලකුණු 22ක් ලබා සිටිනවා.
එංගලන්ත පළමු ඉනිම ශක්තිමත් කළ ඔලී පෝප් ලකුණු 81ක් ලබා ගත්තේ හතරේ පහර 6ක් සමගින්.
ක්රිස් වොක්ස් ලකුණු 50ක් ද, ජොනී බෙයාර්ස්ටව් ලකුණු 37ක් ද, මොයීන් අලී ලකුණු 35ක් ද රැස් කළා.
පන්දු යැවීමේ දී උමේෂ් යාදෙව් කඩුලු 3ක් බිද හෙලූ අතර, ජස්ප්රිට් බුම්රා හා රවීන්ද්ර ජඩේජා අතරේ කඩුලු 2 බැගින් බෙදී ගියා.
තරගයේ කාසියේ වාසිය දිනූ එංගලන්තයේ ආරාධනයෙන් පළමුවෙන් පන්දුවට පහර දුන් ඉන්දියාවට සියලු දෙනා දැවී ලබා ගත හැකි වූයේ ලකුණු 191ක් පමණයි.
ඒ අනුව ඉන්දියාව මේ වනවිට පිටුපසින් පසුවන ලකුණු සංඛ්යාව 56ක්.
