එළඹෙන ශ්රී ලංකා තරග සංචාරය සදහා ක්රීඩා කිරීම වෙනුවෙන් ඇෆ්ඝනිස්තාන කණ්ඩායම ජනවාරි 30 වැනිදා දිවයිනට පැමිණීමට නියමිත බව ශ්රී ලංකා ක්රිකට් ආයතනය අද(18) නිවේදනය කළා.
මෙම සංචාරයේ තරග කාලසටහන ශ්රී ලංකා ක්රිකට් ආයතනය විසින් අද නිල වශයෙන් නිවේදනය කළ අතර, මීට පෙර මෙම තරග සංචාරයේ කාලසටහන ඇෆ්ඝනිස්ථාන ක්රිකට් ආයතනය විසින් ද නිවේදනය කර තිබුණා.
ඒ අනුව තරග රටා ත්රිත්වයම ඇතුළත් මෙම සංචාරයට ටෙස්ට් තරගයක්, එක්දින තරග 3ක් හා 20යි 20 තරග 3ක් ඇතුළත්.
දෙරට අතර පැවැත්වෙන ටෙස්ට් තරගය පෙබරවාරි දෙවැනිදා ආරම්භ වන්නේ කොළඹ එස්.එස්.සී ක්රීඩාංගනයේ දී යි.
අනතුරුව එක්දින තරගාවලිය පෙබරවාරි 9, 11 හා 14 යන දිනවලදී කොළඹ ආර්.ප්රේමදාස ක්රීඩාංගනයේ දී පැවැත්වීමට නියමිතයි.
20යි 20 තරගාවලිය පෙබරවාරි 17 වැනිදා දඹුල්ල ක්රීඩාංගනයේ දී ආරම්භ වනවා. දෙවැනි 20යි 20 තරගය 19 වැනිදා ද, තෙවැනි 20යි 20 තරගය 21 වැනිදා ද පැවැත්වීමට නියමිතව තිබෙනවා.
