පිතිකරුවන් ලෙස දකුණු අප්රිකාවට එරෙහි පළමු ටෙස්ට් තරගයේ පළමු ඉනිමේදී සියලු දෙනා අතින් වරදක් සිදු වූ බව පිළිගන්නා බව ශ්රී ලංකා මැදපෙල පිතිකරු දිනේෂ් චන්දිමාල් පවසනවා.
ඩර්බන් ටෙස්ට් තරගයෙන් ලකුණු 233 ක පරාජයක් ලැබීමෙන් පසුව පැවැති මාධ්ය හමුවේදී අදහස් දක්වමින් චන්දිමාල් ඒ බව සදහන් කළා.
පළමු ඉනිමේදී ලකුණු 42 කට දැවී යාම කණ්ඩායමේ සියලු දෙනාට ද අදහාගත නොහැකි වූ බව ඔහු පෙන්වා දුන්නා.
දකුණු අප්රිකාවට පැමිණ කිසිදු පුහුණු තරගයක් ක්රීඩා කිරීමට නොලැබුණු පසුබිමක කණ්ඩායමේ පිතිකරුවන් ක්රීඩාංගනයේ මැද තණතීරුවේ ක්රීඩා කළ පළමු ඉනිම වූයේ ඩර්බන් ටෙස්ට් තරගයේ පළමු ඉනිම බව චන්දිමාල් සදහන් කර සිටියා.
එය ද පිතිකරණයෙන් පළමු ඉනිමේදී අසාර්ථක වීමට හේතුවක් වන්නට ඇති බව ඔහුගේ අදහසයි. නමුත්, එය නිදහසට කරුණක් නොවන බව ද චන්දිමාල් සදහන් කළා.
දර්ශන පහතින් –
“I am not making excuses, but that was our first center-wicket innings this tour since we didn’t play a practice game. That might have been one of the reasons.” Dinesh Chandimal speaks about Sri Lanka’s 42 all out pic.twitter.com/GuKUUahnyg
— NewsWire 🇱🇰 (@NewsWireLK) November 30, 2024
